CPR għat-Tfal Żgħar

1 Periklu

Ara li m’hemmx periklu għalik u għat-tarbija (kurrent elettriku, traffiku, nar jew gassijiet tossiċi). Itfi l-iswiċċ minn mal-ħajt qabel tmiss il-vittma ta’ xokk elettriku.

2 Rispons

Sejjaħ u ċaqlaq id it-tarbija biex tara jekk tirrispondix. Jekk ma jkunx hemm rispons, qiegħed it-tarbija fuq daharha.

3 Għajnuna

Għajjat għall-għajnuna, imma titlaqx minn ħdejn it-tarbija.

(A)

(A) Airway

Iftaħ il-passaġġ ta’ l-arja billi xxaqleb r-ras ftit lura u tgħolli l-geddum.

(B) Breathing

Qiegħed widintek ħdejn imnifsejn it-tarbija: isma’ u ħoss in-nifs, u ħares lejn is-sider biex tara hux tiela u nieżel.

Jekk it-tarbija mhix tieħu nifs, agħti 5 nifsijiet (rescue breaths). Qiegħed xoftejk madwar il-ħalq waqt li ssodd l-imnifsejn b’subgħajk, u onfoħ bil-mod sakemm tara s-sider jogħla ‘l fuq.

(B)

(C) Circulation

Ara jekk hemmx sinjali ta’ ħajja bħal ċaqliq, sogħla jew nifs.

Jekk ma hemm ebda sinjal, ibda 15 chest compressions u 2 nifsijiet.

Il-compressions isiru b’żewġt iswabgħa f’nofs il-qafas tas-sider, u b’forza biżżejjed biex tagħfas is-sider għal terz tal-fond.

Kompli bil-compressions u n-nifsijiet (15:2) sakemm it-tarbija tibda tieħu n-nifs weħida jew tasal l-għajnuna.

(C)

Ċempel 112

Ibgħat lil xi ħadd iċempel 112 għall-ambulanza. Jekk qiegħda waħdek, ħu t-tarbija ħdejn it-telefon u kompli CPR. In-numru tal-emerġenża hu faċli tiftakru: one plus one equals two: 1 + 1 = 2.

Ara wkoll: L-Ewwel Ghajnuna ghal Xerqa.