L-iżvilupp bikri tat-tarbija
Minn dakinhar li titwieled it-tarbija, il-ġenituri għandhom jimpenjaw ruħhom biex jgħinuha tiżviluppa f'kull qasam: is-saħħa tal-muskoli, i-moviment u l-posture, il-vista tal-għajnejn, il-komunikazzjoni u l-ħiliet soċjali.
Għalkemm fl-ewwel ġimgħat it-tarbija torqod għal ħinijiet twal; aktar ma tikber aktar tgħaddi ħin imqajma u aktar issir konxja tal-ġenituri tagħha u l-ambjent li tkun tgħix fih.
It-tarbija titgħallem tiċċaqlaq, tikkomunika, tissoċjalizza u tifhem x’hemm madwarha permezz tal-logħob. It-tarbija mhux dejjem ikollha aptit tilgħab; kultant tkun trid tħalliha weħidha avolja tkun imqajma. Aħtaf kull opportunità meta t-tarbija tkun f'burdata tajba biex tqatta' ħin tilgħab u titkellem magħha.
Tkellem mat-tabib jekk ikollok xi mistoqsijiet fuq l-iżvilupp tat-tarbija.
Ftakar li l-aħjar mod biex tgħin l-iżvilupp tat-tarbija tagħkom huwa billi tilgħabu u tqattgħu ħin magħha, jew f’kelma waħda, billi tgawduha kemm tistgħu.
Għalkemm fl-ewwel ġimgħat it-tarbija torqod għal ħinijiet twal; aktar ma tikber aktar tgħaddi ħin imqajma u aktar issir konxja tal-ġenituri tagħha u l-ambjent li tkun tgħix fih.
It-tarbija titgħallem tiċċaqlaq, tikkomunika, tissoċjalizza u tifhem x’hemm madwarha permezz tal-logħob. It-tarbija mhux dejjem ikollha aptit tilgħab; kultant tkun trid tħalliha weħidha avolja tkun imqajma. Aħtaf kull opportunità meta t-tarbija tkun f'burdata tajba biex tqatta' ħin tilgħab u titkellem magħha.
- Kif jistgħu l-ġenituri jgħinu fl-iżvilupp tat-tarbija tagħhom? Dawn huma ftit suġġerimenti:
- Tkellem mat-tarbija, anki meta tkun qed tagħtiha tixrob.
- Semmgħalha mużika ħelwa u bennina bil-mod.
- Erfagħha fuq dirgħajk ta’ spiss.
- Busha, mellisha bil-ħlewwha u għamlilha massage.
- Kantalha lulluby favorita; din taf tkun ta’ wens għaliha meta tkun imqanżħa.
- Ħares f’għajnejha mill-qrib, tbissmilha u kellimha.
- Uriha soft toy favorit biex tkun tista’ tiffoka fuqu u ssegwih.
- Uża ċekċieka biex it-tarbija tibda ddur ħalli ssib minn fejn ġej il-ħoss.
- Ħalli lit-tarbija għal ftit ħin fuq żaqqha (tummy time) biex issaħħaħ il-muskoli tal-għonq u l-ispallejn (però raqqadha DEJJEM fuq dahra). Ara hawn: link.
- Oħorġu bit-tarbija fil-pram jew dawra bil-karazza (imma evita kuntatt ma' ħafna nies jew tfal biex tieħux xi infezzjoni).
Tkellem mat-tabib jekk ikollok xi mistoqsijiet fuq l-iżvilupp tat-tarbija.
Ftakar li l-aħjar mod biex tgħin l-iżvilupp tat-tarbija tagħkom huwa billi tilgħabu u tqattgħu ħin magħha, jew f’kelma waħda, billi tgawduha kemm tistgħu.