Id-"duda" tat-tifel
Il-proċess naturali biex il-ġilda tinqala minn mar-ras jieħu diversi snin, kultant sakemm it-tfal isiru adoloxxenti. Meta dan iseħħ il-foreskin tkun tista’ tixxammar faċilment.
Sadanittant m'għandikx ixxammar id-duda bi sforz, għax tikkawża uġigħ u ma tirbaħ xejn.
Pariri Prattiċi
- Id-duda tat-tarbija u tfal żgħar m’għandiex bżonn xi kura speċjali. M’hemmx għalfejn tnaddaf fuq ġewwa sakemm tkun għadha ma tixxammarx.
- Meta l-ġilda tkun bdiet tixxammar, għallem lit-tifel biex jikxef u jaħsel r-ras bl-ilma, u fl-aħħar jerġa’ jagħttiha.
- Ara li t-tifel itajjar il-pipi sewwa meta jkun għadu tarbija tat-twelid. Jekk il-pipi dejjem toħroġ bil-mod, bħal tqattar, kellem lit-tabib għax jista' jkun hemm djuq fil-passaġġ tal-pipi.
- Kelllem lit-tabib jekk ikun hemm ħmura, nefħa, materja jew uġigħ fid-duda, jew jekk tintefaħ meta jagħmel il-pipì.
- Jekk il-ġilda tixxammar u ma tkunx tista' tmur lura f'postha (paraphimosis), ħu lit-tifel l-isptar urġenti.
- Kellem lit-tabib jekk it-tifel huwa adoloxxenti u l-ġilda tkun għadha ma tixxammarx.