Toilet Training
It-toilet training għandu jinbeda meta t-tifel jew it-tifla jkunu preparati u maturi biżżejjed. Jekk tibda kmieni ħafna, jew fi żmien ħażin (ngħidu aħna meta tkun ġejja tarbija oħra jew waqt li qegħdin iġġorru għal dar ġdida), il-proċess jista’ jkun aktar diffiċli u jieħu aktar fit-tul. Mhux veru li t-toilet training irid jinbeda fis-sajf.
(Għas-sempliċità se nitkellem fuq ‘it-tifel’ – imma naturalment l-istess jgħodd għall-bniet).
It-tifel ikun lest għall-potty training meta:
Preparazzjoni
Ħalli t-tifel jidħol fil-kamra tal-banju miegħek, u għidlu bi kliem sempliċi x’inti tagħmel, u urih kif wara tifflaxxja u taħsel idejk. Ħu t-tifel miegħek biex jagħżel il-potty tiegħu, u ħallih jilgħab bih u jpoġġi fuqu, għall-bidu anke bil-ħwejjeġ b’kollox, biex isir familjari miegħu.
Taħriġ
Agħżel ġurnata biex tibda t-taħriġ. Libbsu qalziet ta’ taħt minflok il-ħarqa. Libbsu qalziet ta’ fuq li faċli jitniżżel jew ħallih bil-qalziet ta’ taħt biss. Xi ġenituri jagħżlu li jibdew il-potty training fis-sajf, imma l-potty training jista’ jsir f’kull żmien tas-sena jekk it-tifel ikun lest għalih.
Għid lit-tifel jgħidlek jekk iħoss li se jagħmel pipì jew kokò. Kull siegħa jew sagħtejn fakkru jekk għandux bżonn jagħmel pipì. Ħudu fuq il-potty meta jgħidlek, jekk ikun irid meta tfakkru, u meta tintebaħ li se jagħmel. Oqgħod mat-tifel waqt li jkun fuq il-potty u kellmu biex jirrilassa. M’hemmx għalfejn idum fuq il-potty għal ħin twil.
Għallem lit-tifla titnaddaf minn quddiem għal wara (biex tevita ħmura fil-parti tagħha u infezzjoni fil-pipì). Ħalli t-tifel jarak tbattal il-potty għal ġot-toilet u ħallih jifflaxxja. Lit-tifel għallmu jagħmel pipì dirett fil-potty. Mill-bidu nett, darri t-tifel jaħsel idejh bl-ilma u s-sapun wara li juża it-toilet.
Uri entużjażmu! Faħħru meta jmur fil-kamra tal-banju fuq il-potty, avolja ma jagħmel xejn. Faħħru aktar kull meta jagħmel! Għidlu kemm hu bravu u li issa qed jagħmel bħal kbar!
Huwa normali li għall-bidu tat-taħriġ, it-tifel jagħmel taħtu u jixxarrab kemm-il darba matul il-jum. Il-potty training jista’ jdum ftit ġranet biss, imma jista’ jdum diversi xhur. Kun paċenzjuża. Qatt m’għandek tagħtih kastig, tumiljah jew iċċanfru meta jagħmel taħtu. Meta tiskappalu il-pipì jew il-kokò, iġġibx id-dinja fit-tarf; biddillu ħwejġu bil-kwiet waqt li tqawwilu qalbu biex darba oħra jirnexxielu. Ara li jkollok tibdila miegħek meta toħorġu jew tieħdu n-nursery.
Għall-bidu kompli uża in-nappy jew pull-up waqt ir-raqda ta’ waranofsinhar u matul il-lejl. Tkun tista' tneħħi n-nappy matul il-lejl meta konsistentament jibqa’ xott meta iqum mill-irqad.
Meta t-tifel jitgħallem juża l-potty sewwa, aqleb għal toilet seat u banketta biex iserraħ saqajh fuqha.
Problemi
Jekk tara li m’inti tasal imkien u kulħadd frustrat, ikun aħjar tieqaf għal ftit ġimgħat qabel terġa’ tipprova. Ċertament m’hemmx post għat-tensjoni, għajjat jew kastigi.
Xi tfal jagħmlu pipì jew kokò f’postijiet strambi (ngħidu aħna wara l-pultruna jew il-purtiera). Jieqfu minn din id-drawwa weħidhom. Importanti li ma tagħtix kastigi.
Fi żmien meta kulħadd qed jieħu tant interess fil-kokò, it-tifel jista’ jittieħed mill-entużjażmu u jċappas il-kokò ma’ kullimkien! Għalih logħba; għalik tindif bid-Dettol … tbissima u paċenzja!
Jekk it-tifel ibati mix-xedda, selħa fil-patata, kokò iebes jew uġigħ, kellem it-tabib. Jekk it-tifel iweġġa biex jagħmel kokò, naturalment ma jkunx irid imur fuq il-potty.
It-tifel jista’ jitlef il-kontroll fi żmien ta’ tensjoni (ngħidu aħna meta tasal tarbija ġdida), jew minħabba infezzjoni fil-pipì. Kellem lit-tabib jekk ikollu d-deni.
Xi tfal, speċjalment is-subien, jibqgħu jagħmlu pipì taħthom bil-lejl għal ħafna snin. Din il-problema hi aktar komuni jekk wieħed mill-ġenituri kellu l-istess problema fi ċkunitu. Kellem it-tabib jekk it-tifel jibqa’ jagħmel pipì taħtu wara 7 snin.
- Idum aktar minn sagħtejn bin-nappy xotta matul il-jum.
- Jinteressa ruħu meta l-mamà, il-papà jew ħutu jużaw it-toilet.
- Jibda jiddejjaq bil-ħarqa imxarrba jew maħmuġa.
- Ikun kapaċi jifhem spjegazzjonijiet sempliċi.
Preparazzjoni
Ħalli t-tifel jidħol fil-kamra tal-banju miegħek, u għidlu bi kliem sempliċi x’inti tagħmel, u urih kif wara tifflaxxja u taħsel idejk. Ħu t-tifel miegħek biex jagħżel il-potty tiegħu, u ħallih jilgħab bih u jpoġġi fuqu, għall-bidu anke bil-ħwejjeġ b’kollox, biex isir familjari miegħu.
Taħriġ
Agħżel ġurnata biex tibda t-taħriġ. Libbsu qalziet ta’ taħt minflok il-ħarqa. Libbsu qalziet ta’ fuq li faċli jitniżżel jew ħallih bil-qalziet ta’ taħt biss. Xi ġenituri jagħżlu li jibdew il-potty training fis-sajf, imma l-potty training jista’ jsir f’kull żmien tas-sena jekk it-tifel ikun lest għalih.
Għid lit-tifel jgħidlek jekk iħoss li se jagħmel pipì jew kokò. Kull siegħa jew sagħtejn fakkru jekk għandux bżonn jagħmel pipì. Ħudu fuq il-potty meta jgħidlek, jekk ikun irid meta tfakkru, u meta tintebaħ li se jagħmel. Oqgħod mat-tifel waqt li jkun fuq il-potty u kellmu biex jirrilassa. M’hemmx għalfejn idum fuq il-potty għal ħin twil.
Għallem lit-tifla titnaddaf minn quddiem għal wara (biex tevita ħmura fil-parti tagħha u infezzjoni fil-pipì). Ħalli t-tifel jarak tbattal il-potty għal ġot-toilet u ħallih jifflaxxja. Lit-tifel għallmu jagħmel pipì dirett fil-potty. Mill-bidu nett, darri t-tifel jaħsel idejh bl-ilma u s-sapun wara li juża it-toilet.
Uri entużjażmu! Faħħru meta jmur fil-kamra tal-banju fuq il-potty, avolja ma jagħmel xejn. Faħħru aktar kull meta jagħmel! Għidlu kemm hu bravu u li issa qed jagħmel bħal kbar!
Huwa normali li għall-bidu tat-taħriġ, it-tifel jagħmel taħtu u jixxarrab kemm-il darba matul il-jum. Il-potty training jista’ jdum ftit ġranet biss, imma jista’ jdum diversi xhur. Kun paċenzjuża. Qatt m’għandek tagħtih kastig, tumiljah jew iċċanfru meta jagħmel taħtu. Meta tiskappalu il-pipì jew il-kokò, iġġibx id-dinja fit-tarf; biddillu ħwejġu bil-kwiet waqt li tqawwilu qalbu biex darba oħra jirnexxielu. Ara li jkollok tibdila miegħek meta toħorġu jew tieħdu n-nursery.
Għall-bidu kompli uża in-nappy jew pull-up waqt ir-raqda ta’ waranofsinhar u matul il-lejl. Tkun tista' tneħħi n-nappy matul il-lejl meta konsistentament jibqa’ xott meta iqum mill-irqad.
Meta t-tifel jitgħallem juża l-potty sewwa, aqleb għal toilet seat u banketta biex iserraħ saqajh fuqha.
Problemi
Jekk tara li m’inti tasal imkien u kulħadd frustrat, ikun aħjar tieqaf għal ftit ġimgħat qabel terġa’ tipprova. Ċertament m’hemmx post għat-tensjoni, għajjat jew kastigi.
Xi tfal jagħmlu pipì jew kokò f’postijiet strambi (ngħidu aħna wara l-pultruna jew il-purtiera). Jieqfu minn din id-drawwa weħidhom. Importanti li ma tagħtix kastigi.
Fi żmien meta kulħadd qed jieħu tant interess fil-kokò, it-tifel jista’ jittieħed mill-entużjażmu u jċappas il-kokò ma’ kullimkien! Għalih logħba; għalik tindif bid-Dettol … tbissima u paċenzja!
Jekk it-tifel ibati mix-xedda, selħa fil-patata, kokò iebes jew uġigħ, kellem it-tabib. Jekk it-tifel iweġġa biex jagħmel kokò, naturalment ma jkunx irid imur fuq il-potty.
It-tifel jista’ jitlef il-kontroll fi żmien ta’ tensjoni (ngħidu aħna meta tasal tarbija ġdida), jew minħabba infezzjoni fil-pipì. Kellem lit-tabib jekk ikollu d-deni.
Xi tfal, speċjalment is-subien, jibqgħu jagħmlu pipì taħthom bil-lejl għal ħafna snin. Din il-problema hi aktar komuni jekk wieħed mill-ġenituri kellu l-istess problema fi ċkunitu. Kellem it-tabib jekk it-tifel jibqa’ jagħmel pipì taħtu wara 7 snin.