Il-kanal tad-dmugħ magħluq mit-twelid

Xi trabi jitwieldu bil-kanal tad-dmugħ magħluq. Din il-kundizzjoni tissejjaħ "congenital nasolacrimal duct obstruction."

Għaldaqstant id-dmugħ ma jkunx jista’ jgħaddi mill-kanal għal ġol-imnieħer. Għalhekk dik l-għajn tkun dejjem iddemma’. Barra minn hekk, dik l-għajn tkun twaħħal u tħammeġ ta’ spiss.

Ġeneralment għajn waħda biss tkun affettwata, imma ġieli jkunu t-tnejn ukoll.

Ħafna drabi l-problema tissolva weħidha qabel it-tarbija tagħlaq sena.

X'Tista' Tagħmel id-Dar

Naddaf l-għajn b’mod ġentili, minn ġewwa għal barra, b’tajjara mxarrba bl-ilma fietel kull x’ħin ikun hemm bżonn.

Agħmel messaġġi biex tiftaħ il-kanal tad-dmugħ. Aħsel idejk. Uża seba' biex tagħfas fuq ir-rokna ta’ ġewwa tal-għajn, eżatt ħdejn l-imnieħer. Agħfas bil-mod 'l isfel mal-ġenb tal-imnieħer. It-tabib ikun jista’ jurik fil-prattika x’għandek tagħmel.

Kellem it-Tabib

• L-għajnejn jiħmaru u jintefħu ħafna.
• L-ħmieġ isir isfar jew aħdar u persistenti.
• It-tarbija tidher ma tiflaħx jew ikollha d-deni.

Ikkonsulta ma’ speċjalista tal-għajnejn tat-tfal jekk il-problema tippersiti wara li t-tarbija jkollha sena. Ġieli jkun hemm bżonn operazzjoni sabiex jinfetaħ il-kanal. Għal din il-proċedura (probing) it-tifel jew it-tifla jkollha bżonn titraqqad bil-loppju. Kultant ikun hemm bżonn stent tas-silicone fil-kanal, li jitneħħa wara tliet xhur.

Acknowledgement

Nirringrazzja lil Mr Martin Galea, Speċjalista tal-Għajnejn tat-Tfal, għar-review ta' dan l-artiklu.